തിരുവനന്തപുരം: മേയർ ആര്യ രാജേന്ദ്രൻ കെ എസ് ആർ ടി സി ബസ് തടഞ്ഞു നിർത്തിയതിൽ പ്രതികരണവുമായി മുതിർന്ന കോൺഗ്രസ് നേതാവ് രമേശ് ചെന്നിത്തല. മേയറുടെ പ്രവൃത്തി പൊതുപ്രവർത്തകർക്ക് അപമാനമാണെന്നാണ് ചെന്നിത്തല പറയുന്നത്. പൊതുപ്രവർത്തകർ കുറച്ചുകൂടി ജാഗ്രത പാലിക്കണമെന്നും മേയറും എംഎൽഎയും കുറച്ചുകൂടി ഉത്തരവാദിത്തം കാണിക്കണമായിരുന്നുവെന്നും രമേശ് ചെന്നിത്തല വ്യക്തമാക്കി.
പാവപ്പെട്ട ഡ്രൈവറെ ആക്ഷേപിക്കുന്നത് ശരിയല്ല. ഡ്രൈവറിന്റെ ഭാഗത്ത് തെറ്റില്ല എന്നാണ് ദൃശ്യങ്ങളിൽ നിന്ന് മനസ്സിലാകുന്നതെന്നും സംഭവത്തിൽ കെഎസ്ആർടിസി ഡ്രൈവർ നിരപരാധിയാണെന്നും അദ്ദേഹത്തിൻറെ ഭാഗം കേൾക്കാൻ പോലും പൊലീസ് തയ്യാറായില്ലെന്നും അദ്ദേഹം പറഞ്ഞു. അതെ സമയം യദുവിനെ ജോലിയിൽ നിന്ന് പിരിച്ചുവിട്ടിട്ടില്ല. എന്നാൽ ഇതുവരെയും ജോലിയ്ക്ക് പ്രവേശിക്കാൻ സാധിച്ചിട്ടില്ല. നിയമനടപടിയുമായി മുന്നോട്ട് പോകാനാണ് യദുവിന്റെ തീരുമാനം.
