തിരുവനന്തപുരം: സംസ്ഥാനത്തെ എസ് എസ് എൽ സി, പ്ലസ് ടു, വി എച്ച് എസ് ഇ പരീക്ഷ ഫല പ്രഖ്യാപനങ്ങളുടെ തിയതി പ്രഖ്യാപിച്ചു. എസ്എസ്എൽസി പരീക്ഷാ ഫലം അടുത്തയാഴ്ച്ച അറിയാം. മെയ് 8 ന് എസ് എസ് എൽ സി ഫലം പ്രഖ്യാപിക്കുമെന്ന് പൊതുവിദ്യാഭാസ വകുപ്പ് മന്ത്രി വി ശിവൻകുട്ടി അറിയിച്ചു.
ഹയർസെക്കന്ററി, വിഎച്ച്എസ്സി പരീക്ഷാ ഫലം മെയ് 9 നും പ്രസിദ്ധീകരിക്കും. വൈകുന്നേരം മൂന്ന് മണിക്കാണ് പരീക്ഷ ഫലങ്ങൾ പ്രഖ്യാപിക്കുക. 4,27,105 ലക്ഷം വിദ്യാർത്ഥികളാണ് ഇത്തവണ പരീക്ഷയെഴുതിയത്. ലക്ഷദ്വീപ്, ഗൾഫ് ഉൾപ്പെടെ 2971 പരീക്ഷ കേന്ദ്രങ്ങൾ ഉണ്ടായിരുന്നു. 70 ക്യാമ്പുകളിലായി 14 ദിവസം കൊണ്ടാണ് മൂല്യ നിർണയം പൂർത്തിയാക്കിയത്. മാത്രമല്ല കഴിഞ്ഞ വർഷത്തേക്കാൾ നേരത്തെയാണ് ഇത്തവണ ഫലം പ്രഖ്യാപിക്കുന്നതെന്ന പ്രത്യേകതയുമുണ്ട്.
