തൃശ്ശൂർ: പെറ്റ് ഷോപ്പിൽ വൻ കവര്‍ച്ച. ഒരു ലക്ഷം രൂപ വിലവരുന്ന നായകളെയും പൂച്ചകളെയുമാണ് കവര്‍ന്നതെന്നാണ് റിപ്പോർട്ടുകൾ. തൃശ്ശൂരിലെ പെരിങ്ങാവ് എസ്.എൻ. പെറ്റ്സ് ഷോപ്പിലാണ് മോഷണം നടന്നത്.
കഴിഞ്ഞ ദിവസം പുലര്‍ച്ചെ രണ്ടരയോടെയാണ് മോഷണം നടന്നത്. സംഭവത്തിന്റെ സി സി ടി വി ദൃശ്യങ്ങൾ പുറത്തുവന്നു. മുഖം മുറച്ചുകൊണ്ട് ഒരു യുവാവ് കടയില്‍ കയറുന്നതും മൃഗങ്ങളെ മോഷ്ട്ടിക്കുന്നതുമാണ് ദൃശ്യങ്ങളിൽ ഉള്ളത്. മുന്തിയ ഇനത്തില്‍പെട്ട ആറ് വളര്‍ത്തു നായകളെയും വിദേശയിനത്തില്‍പെട്ട അഞ്ച് പൂച്ചകളെയുമാണ് യുവാവ് കടത്തിയത്. സംഭവത്തിൽ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
