ബാഗ്പത്: ആശുപത്രി കെട്ടിടത്തിൽ വൻ തീപിടിത്തം. ഉത്തർപ്രദേശിലെ ബാഗ്പത് ജില്ലയിലെ ആശുപത്രിയിലാണ് അപകടം നടന്നത്. ഇന്ന് പുലര്‍ച്ചെയോടെയാണ് സംഭവമുണ്ടായത്. തീ പടർന്നു പിടിക്കുന്നത് ശ്രദ്ദയിൽപ്പെട്ട ഉടൻ തന്നെ രോഗികളെ കെട്ടിടത്തിൽ നിന്ന് പുറത്തെത്തിച്ചു.
ഉത്തർപ്രദേശിലെ ബാഗ്പഥ് ജില്ലയിലെ ബറൗത്ത് പട്ടണത്തിലെ ആസ്ത ആശുപത്രിയിലെ മുകളിലത്തെ നിലയിലെ ടെറസിലാണ് തീപിടിത്തമുണ്ടായത്. തീ ആളിപ്പടര്‍ന്നതോടെ കുട്ടികളുൾപ്പെടെയുള്ള 12 രോഗികളെ പുറത്തെത്തിച്ചു. നിലവിൽ ആളപായമൊന്നും റിപ്പോർട്ട് ചെയ്തിട്ടില്ല.
