തിരുവനന്തപുരം: സംസ്ഥാനത്ത് കഴിഞ്ഞ പെയ്ത ശക്തമായ മഴയിൽ നിരവധി നാശനഷ്ടങ്ങളാണ് റിപ്പോർട്ട് ചെയ്തിരിക്കുന്നത്. കനത്ത മഴയിൽ വര്‍ക്കല പാപനാശം ബലി മണ്ഡപത്തിന്റെ പിന്‍ഭാഗത്തെ കുന്നിടിഞ്ഞു വീണു. ഇന്ന് പുലർച്ചെയാണ് അപകടം സംഭവിച്ചത്.
കുന്നിന്റെ ഒരു ഭാഗം ഇടിഞ്ഞ് വലിയ കല്ലുകള്‍ വഴിയിലേക്ക് പതിച്ചു. സാധാരണ ഗതിയിൽ പുലർച്ചെ അഞ്ചു മണി മുതൽ തന്നെ പാപനാശത്ത് ബലിയിടുന്നതിനായി ഭക്തർ എത്തിച്ചേരുന്നതാണ്. കുന്നിടിഞ്ഞത്ത് പുലർച്ചെ ആയതിനാൽ വൻ അപകടമാണ് ഒഴിവായത്. ആളപായം ഒന്നും റിപ്പോർട്ട് ചെയ്തിട്ടില്ല. ബലി മണ്ഡപത്തിന്റെ പിന്‍ഭാഗത്തും മുന്നിലുമായാണ് കുന്ന് ഇടിഞ്ഞു വീണത്.
