തിരുവനന്തപുരം: കേരളത്തില്‍ ബിജെപിയുടെ ആദ്യ അക്കൗണ്ട് തുറന്നു. തൃശൂരിൽ വോട്ടെണ്ണൽ അവസാനിച്ചതായി തെര‌ഞ്ഞെടുപ്പ് കമ്മീഷൻ അറിയിച്ചു. തൃശ്ശൂരിൽ സുരേഷ് ഗോപിയുടെ ലീഡ് 74,840 വോട്ടുകളിലേക്ക് എത്തിയിരിക്കുകയാണ്. രണ്ടാം സ്ഥാനത്ത് എല്‍ഡിഎഫ് സ്ഥാനാര്‍ത്ഥി വി എസ് സുനില്‍ കുമാറിനാണ്.
ഒരു വലിയ പോരാട്ടത്തിന്‍റെ കൂലിയാണ് തനിക്കു ദൈവങ്ങള്‍ നല്‍കിയിരിക്കുന്നതെന്ന് സുരേഷ് ഗോപി പ്രതികരിച്ചു. തൃശൂരിലെ യഥാര്‍ഥ മതേതര പ്രജാദൈവങ്ങളെ വണങ്ങുന്നുവെന്നും അവര്‍ മൂലം മാത്രമാണ് ഇത് സാധ്യമായിരിക്കുന്നതെന്നുമാണ് സുരേഷ് ഗോപി പ്രതികരിച്ചത്.
തൃശൂരില്‍ വിജയമുറപ്പിച്ച സുരേഷ് ഗോപിയുടെ വീട്ടില്‍ ആഘോഷം നടത്തി. സുരേഷ് ഗോപിക്ക് ഭാര്യ രാധിക മധുരം നല്‍കി ആഹ്ലാദം പങ്കിട്ടു. തുടര്‍ന്ന് വീട്ടിലെത്തിയവര്‍ക്കെല്ലാം മധുരം വിതരണം ചെയ്താണ് വിജയം ആഘോഷിച്ചത്.
