കോഴിക്കോട്: കോഴിക്കോട് കാറിനു തീപിടിച്ച് അപകടം. കോഴിക്കോട് കോന്നാട് ബീച്ച് റോഡിലാണ് സംഭവം നടന്നത്. അപകടത്തിൽ ഡ്രൈവർ വെന്തു മരിച്ചു. ചേളന്നൂർ കുമാരസ്വാമി സ്വദേശി മോഹൻദാസാണ് മരിച്ചത്. ഇന്ന് ഉച്ചയ്ക്ക് 12:15 ഓടെയാണ് അപകടം നടന്നത്.
അപകടത്തില്‍ കാര്‍ പൂര്‍ണമായി കത്തിനശിച്ചു. ഡ്രൈവർ സീറ്റ് ബെൽറ്റ് ഇട്ടിരുന്നത് രക്ഷാപ്രവർത്തനത്തിന് തടസ്സമായതായി നാട്ടുകാർ പറയുന്നു. കാറിന് തീ പിടിച്ചത് ശ്രദ്ധയിൽ പെട്ട ട്രാഫിക് പോലീസ് വാഹനത്തെ പിന്തുടർന്നു വാഹനം നിർത്താൻ ആവശ്യപ്പെടുകയായിരുന്നു. എന്നാൽ വാഹനം ഒതുക്കി നിർത്തുന്നതിനിടെ തീ ആളിപ്പടരുകയായിരുന്നു. മൃതദേഹം കോഴിക്കോട് മെഡിക്കല്‍ കോളജ് മോര്‍ച്ചറിയിലേക്ക് മാറ്റി.
