കൊച്ചി: വീടിന് തീ പിടിച്ചു 4 പേർ വെന്തുമരിച്ചു. അങ്കമാലിയിലാണ് സംഭവം. അച്ഛനും അമ്മയും രണ്ടു മക്കളുമാണ് അപകടത്തിൽ മരിച്ചത്. ബിനീഷ്, ഭാര്യ അനു, മക്കളായ ജെസ്മിൻ, ജോസ്‌ന എന്നിവരാണ് മരിച്ചത്. അങ്കമാലി പറക്കുളത്ത് വ്യവസായിയാണ് ബിനീഷ്. അപകടത്തിൽ ബിനീഷിന്റെ മാതാവ് രക്ഷപ്പെട്ടു. വീടിനു തീ പിടിക്കാനുള്ള കാരണം വ്യക്തമല്ല.
എന്താണ് സംഭവിച്ചതെന്ന് പൊലീസ് അന്വേഷിച്ച് വരികയാണ്. ഇന്ന് രാവിലെയായിരുന്നു സംഭവം. വീടിന്റെ രണ്ടാം നിലയിലെ ഒരു മുറിയിൽ മാത്രമാണ് തീ പടർന്നത്. ഇവർ നാല് പേരും ഈ മുറിയിലാണ് കഴിഞ്ഞിരുന്നത്. രാവിലെ നടക്കാനിറങ്ങിയവരാണ് സംഭവം കണ്ട് ഫയർ ഫോഴ്സിൽ വിവരമറിയിക്കുന്നത്. നാട്ടുകാർ എത്തിയപ്പോഴേക്കും വീട് മുഴുവൻ തീ പടർന്നിരുന്നു.
