തിരുവനന്തപുരം: പൂക്കോട് വെറ്റിറിനറി കോളേജിലെ വിദ്യാർത്ഥി സിദ്ധാർത്ഥൻ്റെ മരണത്തെ സംബന്ധിച്ച് നിയമസഭയിൽ പ്രതികരിച്ച് മുഖ്യമന്ത്രി പിണറായി വിജയൻ. അന്വേഷണത്തിൽ സർക്കാരിന് വീഴ്ചയില്ലെന്ന് വ്യക്തമാക്കി മുഖ്യമന്ത്രി.
കാര്യക്ഷമവും സുതാര്യവുമായ അന്വേഷണ നടപടികളാണ് സർക്കാരും പൊലീസും സ്വീകരിച്ചത്. സിദ്ധാർത്ഥൻ റാഗിംഗിന് ഇരയായെന്നത് ശ്രദ്ധയിൽപ്പെട്ടപ്പോൾ തന്നെ 12 വിദ്യാർത്ഥികളെ സസ്പെൻഡ് ചെയ്യുകയും പ്രതിചേർക്കുകയും ചെയ്തുവെന്നും മുഖ്യമന്ത്രി പറഞ്ഞു.
കലാലയങ്ങളിലെ റാഗിംങിനെതിരെ ശക്തമായ നടപടിയുണ്ടാകും. നടപടികള് പൂര്ത്തിയാക്കുന്നതില് ജാഗ്രത കുറവുണ്ടായെന്ന് കണ്ടെത്തി. ഇതേ തുടർന്ന് 3 പേരെ സസ്പെന്ഡ് ചെയ്തു. റാഗിങ്ങിനെതിരെ ശക്തമായ നടപടിയാണ് സര്ക്കാര് സ്വീകരിച്ചിരുന്നതെന്നും പിണറായി വിജയൻ കൂട്ടിച്ചേർത്തു.
