കുവൈറ്റ്: കുവൈത്തിലെ ലേബര് ക്യാമ്പിലുണ്ടായ തീപിടുത്തത്തില് മരിച്ച ഇന്ത്യക്കാരുടെ കുടുംബങ്ങള്ക്ക് ധനസഹായം പ്രഖ്യാപിച്ച് കേന്ദ്രസർക്കാർ. 2 ലക്ഷം രൂപ വീതം മരിച്ചവരുടെ കുടുംബങ്ങള്ക്ക് നൽകുമെന്ന് പ്രധാനമന്ത്രി നരേന്ദ്ര മോദി അറിയിച്ചു.
കഴിഞ്ഞ ദിവസം പുലർച്ചെയുണ്ടായ തീപിടുത്തത്തിൽ 49 പേര് മരിച്ചതായാണ് റിപ്പോര്ട്ട്. ഇതിൽ 40 ഇന്ത്യക്കാര് കൊല്ലപ്പെട്ടുവെന്നും അതിൽ 11 പേര് മലയാളികളാണെന്നുമാണ് വിവരം. ആറ് നില കെട്ടിടത്തിൽ തീപ്പിടുത്തത്തമുണ്ടായതിന് പിന്നാലെ പുറത്ത് കടക്കാനാകാതെ പുക ശ്വസിച്ചാണ് പലരും മരിച്ചത്. 196 പേരാണ് ഇവിടെ താമസിച്ചിരുന്നത്.
അതെ സമയം തീപിടിത്തത്തിൽ മരിച്ചവരുടെ മൃതദേഹങ്ങൾ എത്രയും വേഗം നാട്ടിലെത്തിക്കാൻ നടപടി വേഗത്തിലാക്കുകയാണ് ഇന്ത്യ. വിദേശകാര്യ സഹമന്ത്രി കീര്ത്തി വര്ധന് സിംഗ് കുവൈത്തിൽ കാര്യങ്ങൾ ഏകോപിപ്പിക്കും. പരിക്കേറ്റവർക്ക് എല്ലാ സഹായവും സർക്കാർ ഉറപ്പ് നൽകിയിട്ടുണ്ട്.
