കൊച്ചി: പ്രവാസ ജീവിതത്തിൽ ഉണ്ടായിട്ടുള്ള ഏറ്റവും വലിയ ദുരന്തമാണ് കുവൈറ്റ് അപകടമെന്ന് മുഖ്യമന്ത്രി പിണറായി വിജയൻ. കുവൈത്ത് തീപ്പിടിത്ത ദുരന്തത്തില് മരിച്ചവരുടെ ഭൗതികശരീരം ഏറ്റുവാങ്ങാന് നെടുമ്പാശേരി എയര്പോര്ട്ടിലെത്തിയതായിരുന്നു മുഖ്യമന്ത്രി. ഇനി ഇങ്ങനെ ഒരു ദുരന്തവും സംഭവിക്കാതിരിക്കാനുള്ള മുൻകരുതലുകൾ അത്യാവശ്യമാണെന്നും കുടുംബങ്ങൾക്കുണ്ടായത് തീരാ നഷ്ടമാണെന്നും മുഖ്യമന്ത്രി പ്രതികരിച്ചു.
പ്രവാസികൾ കേരളത്തിന്റെ ജീവനാഡിയാണ്. പല ബുദ്ധിമുട്ടുകളും പ്രവാസജീവിതത്തിൽ അവർ അനുഭവിക്കുന്നുണ്ട്. മരിച്ചവരുടെ കുടുംബങ്ങൾക്ക് മതിയായ നഷ്ടപരിഹാരം നൽകാൻ കുവൈറ്റ് സർക്കാർ നേതൃത്വം നൽകുമെന്ന് പ്രതീക്ഷിക്കുന്നുണ്ടെന്നും മുഖ്യമന്ത്രി പറഞ്ഞു.
