തിരുവനന്തപുരം: തിരുവനന്തപുരത്ത് നാടൻ ബോംബുകൾ കണ്ടെത്തി. തിരുവനന്തപുരം കുളത്തൂരിലാണ് സംഭവം. കുളത്തൂർ മാർക്കറ്റിനുള്ളിൽ പ്ലാസ്റ്റിക് കവറിൽ സൂക്ഷിച്ചിരുന്ന നാടൻ ബോംബുകളാണ് കണ്ടെത്തിയത്.
രാവിലെ മാർക്കറ്റിലെത്തിയ കച്ചവടക്കാരാണ് പ്ലാസ്റ്റിക് കവറിൽ സൂക്ഷിച്ചിരുന്ന അഞ്ചു ബോംബുകൾ കണ്ടത്. തുടർന്ന് കഴക്കൂട്ടം പൊലീസിൽ അറിയിക്കുകയായിരുന്നു. ഉടൻ തന്നെ പൊലീസും ബോംബ് ഡിറ്റക്ഷൻ സ്ക്വാഡും സ്ഥലത്തെത്തി ബോംബുകൾ നിർവീര്യമാക്കുകയും കഴക്കൂട്ടം സ്റ്റേഷനിലേക്ക് മാറ്റുകയും ചെയ്തു.
