ഡൽഹി: സിഎസ്ഐആർ- നെറ്റ് പരീക്ഷയുടെ ചോദ്യ പേപ്പറുകൾ ചോർന്നതായി വിവരം. നീറ്റ് – നെറ്റ് പരീക്ഷാ വിവാദങ്ങൾ ഉയർന്നു നിൽക്കുന്ന സാഹചര്യത്തിലാണ് ആരോപണം. ഇതേ തുടർന്ന് പരീക്ഷ നീട്ടിവച്ചതായി നാഷണൽ ടെസ്റ്റിങ് ഏജൻസി (എൻടിഎ) അറിയിച്ചു.
അതെ സമയം ഒഴിവാക്കാനാവാത്ത സാഹചര്യം കാരണമാണ് പരീക്ഷ നീട്ടിവച്ചതെന്നാണ് ഇവർ അറിയിപ്പിൽ പറയുന്നത്. ജൂൺ 25 മുതൽ 27 വരെയാണ് സിഎസ്ഐആർ നെറ്റ് പരീക്ഷ നടത്താൻ നിശ്ചയിച്ചിയിച്ചിരുന്നത്. വിദ്യാഭ്യാസ മന്ത്രിയുടെ നിർദേശത്തിന്റെ അടിസ്ഥാനത്തിലാണ് നടപടി. പുതുക്കിയ തീയതി പിന്നീട് അറിയിക്കും.
ജൂൺ 18 ന് നടന്ന യുജിസി നെറ്റ് പരീക്ഷയും എൻടിഎ റദ്ദാക്കിയിരുന്നു. ചോദ്യപേപ്പർ ചോർന്നു എന്ന സംശയത്തെത്തുടർന്നായിരുന്നു നടപടി. ഇതിന്റെ പശ്ചാത്തലത്തിൽ കേന്ദ്ര സർവകലാശാല പ്രവേശന പരീക്ഷാഫലവും വൈകാനാണ് സാധ്യത.
