തിരുവനന്തപുരം: തിരുവനന്തപുരത്ത് മൂന്ന് വയസുകാരന് നേരെ മുത്തച്ഛന്റെ ക്രൂരത. മൂന്ന് വയസുകാരന്റെ ദേഹത്ത് മുത്തച്ഛൻ തിളച്ച ചായ ഒഴിച്ച്. സംഭവത്തിൽ മുത്തച്ഛനെ പോലീസ് അറസ്റ്റ് ചെയ്തു. തിരുവനന്തപുരം മണ്ണന്തല സ്വദേശി ഉത്തമനെയാണ് പോലീസ് അറസ്റ്റ് ചെയ്തത്.
ഈ മാസം 24 നായിരുന്നു സംഭവം നടന്നത്. കുട്ടിയുടെ മൊഴിയുടെ അടിസ്ഥാനത്തിലാണ് അറസ്റ്റ്. വട്ടിയൂർക്കാവ് സ്വദേശികളായ ദമ്പതികളുടെ മകനാണ് പൊള്ളലേറ്റത്. കുട്ടിയെ അമ്മൂമ്മയെ ഏല്പ്പിച്ച് അമ്മ ജോലിക്ക് പോയ സമയത്തായിരുന്നു മുത്തച്ഛൻ ക്രൂരത കാണിച്ചത്. ഇയാൾ കുട്ടിയെ പലപ്പോഴും ഉപദ്രവിക്കാറുണ്ടെന്നും ഗുരുതരമായി പൊള്ളലേറ്റ കുട്ടിയെ ആശുപത്രിയിൽ എത്തിച്ച ശേഷമാണ് മാതാപിതാക്കളെ വിവരമറിയിച്ചതെന്നുമാണ് കുട്ടിയുടെ പിതാവ് പറയുന്നത്.
