ആലപ്പുഴ: മാന്നാർ കൊലപാതകത്തിൽ ഞെട്ടിത്തരിച്ചിരിക്കുകയാണ് പ്രദേശവാസികൾ. കൊലപാതകം ഇപ്പോഴും ഉൾക്കൊള്ളാൻ ആകാത്ത നാട്ടുകാർക്കിടയിൽ നോവായി മാറിയിരിക്കുകയാണ് കലയുടെ മകൻ. അമ്മ മരിച്ചെന്ന് കരുതുന്നില്ലെന്നാണ് മാന്നാറിൽ കൊല്ലപ്പെട്ട കലയുടെ മകൻ പറയുന്നത്.
അമ്മയെ തിരികെ കൊണ്ടുവരുമെന്നും പേടിക്കേണ്ടെന്നും അച്ഛൻ തന്നോട് പറഞ്ഞിട്ടുണ്ടെന്നും പൊലീസ് അന്വേഷണത്തിൽ താൻ തൃപ്തനല്ലെന്നും ഇന്നലത്തെ പരിശോധനയിൽ പ്രധാനപ്പെട്ട തെളിവുകളൊന്നും തന്നെ ലഭിച്ചിട്ടില്ലെന്നും മകൻ പറയുന്നു.
അതെ സമയം ഇന്നലെ പരിശോധിച്ച സെപ്റ്റിക് ടാങ്കിൽ ശരീരാവശിഷ്ടങ്ങൾ നശിക്കാനുള്ള കെമിക്കൽ ഒഴിച്ചിരുന്നെന്ന് മാന്നാറിൽ മൃതദേഹം കുഴിച്ചെടുത്ത സോമൻ പറഞ്ഞു. സെപ്റ്റിക് ടാങ്കിനു മുകളിൽ പഴയ വീടിന്റെ അവശിഷ്ടങ്ങൾ ഇട്ട് മൂടിയ നിലയിൽ ആയിരുന്നെന്നും അസ്ഥികഷ്ണങ്ങളും വസ്ത്രവും മുടിയിലിടുന്ന ക്ലിപ്പും സെപ്റ്റിക് ടാങ്കിൽ നിന്നു കിട്ടിയെന്നും സോമൻ പറയുന്നു.
