ആലപ്പുഴ: ഗവണ്മെന്റ് സ്കൂളിലെ കുട്ടികളുടെ മാഗസിൻ പ്രകാശനത്തിന് മുഖ്യാതിഥിയായി യൂട്യൂബർ സഞ്ജു ടെക്കി. മണ്ണഞ്ചേരി ഗവ.ഹൈസ്കൂളിലെ പരിപാടിക്കാണ് സഞ്ജു റെക്കിയെ മുഖ്യാതിഥിയായി ക്ഷണിച്ചിരിക്കുന്നത്. റോഡ് നിയമലംഘനത്തിന്റെ പേരിൽ ശിക്ഷിക്കപ്പെട്ട സഞ്ജുവിനെതിരായ കേസ് കോടതിയിൽ നടക്കുകയാണ്. ഇതിനിടെയാണ് ഇത്തരം ഒരു പരിപാടിയിലേക്ക് സഞ്ജുവിനെ ക്ഷണിച്ചിരിക്കുന്നത്. സംഭവം ഇപ്പോൾ വിവാദമായിരിക്കുമായാണ്.
ആലപ്പുഴ ജില്ലാ പഞ്ചായത്ത് ആര്യാട് ഡിവിഷൻ സംഘടിപ്പിക്കുന്ന പരിപാടിക്കാണ് സഞ്ജുവിന് ക്ഷണം. ജില്ലാ പഞ്ചായത്ത് അംഗം ആർ. റിയാസ് ആണ് പരിപാടിയുടെ സംഘാടകൻ. സോഷ്യൽ മീഡിയ ഇൻഫ്ലുവൻസർ എന്നാണ് പരിപാടിയുടെ നോട്ടീസിലെ വിശേഷണം. എന്നാൽ നിയമലംഘനത്തിന് കോടതി ശിക്ഷിച്ച വ്യക്തിയെ സ്കൂളിൽ മുഖ്യാതിഥിയായി ക്ഷണിച്ചതിൽ പ്രതിഷേധങ്ങൾ ശക്തമാകുകയാണ്.
