തിരുവനന്തപുരം: തിരുവനന്തപുരം ആമയിഴഞ്ചാൻ തോട് വൃത്തിയാക്കാൻ ഇറങ്ങിയയാളെ കാണാനില്ല. മാരായിമുട്ടം സ്വദേശിയായ 42കാരനായ ജോയിയെയാണ് കാണാതായത്. കോർപ്പറേഷന്റെ താൽക്കാലിക ജീവനക്കാരനാണ് ഇയാൾ.
തിരുവനന്തപുരം റെയിൽവേ സ്റ്റേഷന് സമീപത്തെ തോട് വൃത്തിയാക്കുന്നതിന്റെ ഇടയിലാണ് അപകടം നടന്നത്. നാല് പേർ ചേർന്നാണ് രാവിലെ മുതൽ ശുചീകരണ പ്രവർത്തനങ്ങൾ നടത്തിയിരുന്നത്. ഫയർഫോഴ്സ് എത്തി രക്ഷിക്കാനുള്ള ശ്രമങ്ങൾ നടക്കുകയാണ്. റെയിൽവേയുടെ നിർദേശാനുസരണമാണ് തോട് വൃത്തിയാക്കൽ നടന്നത്.
