തിരുവനന്തപുരം: പോത്തൻകോട് പണിമൂല സ്വദേശിയായ ഏഴ് വയസുകാരൻ ആരവ് ശങ്കർ ഇവിങ് സർകോമ എന്ന അസുഖത്തിനു ചികിത്സയിലാണ്. ചികിത്സയുടെ പണം കണ്ടെത്തുന്നതിനായി ആരവ് ശങ്കർ ചികിത്സ സഹായ സമതി രൂപീകരിച്ചിരുന്നു.
പണിമൂല സ്വദേശി പവിശങ്കർ – ആര്യ കൃഷ്ണൻ ദമ്പതികളുടെ മകനാണ് ആരവ് ശങ്കർ. കാരമൂട് ബിപിഎം ഇംഗ്ലീഷ് മീഡിയം സ്കൂളിലെ കുട്ടികളും രക്ഷകർത്താക്കളും ജീവനക്കാരും മാനേജമെന്റും ആരവിന്റെ ചികിത്സയ്ക്ക് സഹായവുമായി രംഗത്തെത്തിയിരിക്കുകയാണ്.
ഇവർ സമാഹരിച്ച 160000രൂപ സ്കൂൾ പ്രിൻസിപ്പൽ സിഗ്ഗി പോൾ ജോർജ് ആരവ് ശങ്കർ ചികിത്സ സഹായസമതിയ്ക്ക് കൈമാറി. മുൻ ബ്ലോക്ക്‌ പഞ്ചായത്ത്‌ പ്രസിഡന്റ് എം മുനീർ, ഗ്രാമപഞ്ചായത്ത്‌ അംഗങ്ങളായ ആർ അർച്ചന, അഭിന്ദാസ്,എസ് ഷീജ, പുരുഷോത്തമൻ, സഹായസമതി മെമ്പർ സാജൻലാൽ, ഇ എ ജബ്ബാർ വൈസ് പ്രിൻസിപ്പൽ റെസ്‌മി കെ എസ്, ABBAS പി ടി എ പ്രസിഡന്റ് സജിത, പി ടി എ വൈസ് പ്രസിഡന്റ് എന്നിവരുടെ സാനിധ്യത്തിലാണ് തുക കൈമാറിയത്.
