തിരുവനന്തപുരം: തിരുവനന്തപുരം അമരവിളയിൽ ഭൂമിക്കടിയിലേക്ക് തുരങ്കം കണ്ടെത്തി. അമരവിള എക്സൈസ് ഓഫീസിനായി തറക്കല്ലിടുന്നതിനായി മണ്ണ് മാറ്റിയപ്പോഴാണ് തുരങ്കം കണ്ടെത്തിയത്. കഷ്ടിച്ച് ഒരാൾക്ക് മാത്രം നൂഴ്ന്ന് ഇറങ്ങാൻ സാധിക്കുന്ന നിലയിലാണ് തുരങ്കം.
തുരങ്കത്തിന് വർഷങ്ങളുടെ പഴക്കമുണ്ടെന്നാണ് കരുതുന്നത്. ഇരുമ്പ് തകിട് വെച്ച് അടച്ച നിലയിലാണുള്ളത്. തുരങ്കം കണ്ടെത്തിയതിനു പിന്നാലെ പുരാവസ്തു വകുപ്പിനെ വിവരമറിയിച്ചു. ഉദ്യോഗസ്ഥർ സ്ഥലത്തെത്തി പരിശോധന നടത്തുമെന്നാണ് വിവരം.
