മലപ്പുറം: മുൻ മന്ത്രിയും മുസ്ലിംലീഗ് നേതാവുമായിരുന്ന കുട്ടി അഹമ്മദ് കുട്ടി അന്തരിച്ചു. മുൻ തദ്ദേശഭരണ മന്ത്രിയാണ്. 71 വയസായിരുന്നു. കുറച്ചു കാലമായി സജീവ രാഷ്ട്രീയത്തിൽ നിന്ന് വിട്ടുനിൽക്കുകയായിരുന്നു. അസുഖബാധിതനായി ചികിത്സയിലിരിക്കെ താനൂരിൽ വച്ചാണ് അന്ത്യം.
2004-ലെ ഉമ്മന്‍ ചാണ്ടി മന്ത്രിസഭയിലാണ് അദ്ദേഹം മന്ത്രി സ്ഥാനം വഹിച്ചത്. തിരൂരങ്ങാടി, താനൂർ എംഎൽഎ ആയിരുന്നു. കൂടാതെ മുസ്ലിംലീഗ് സംസ്ഥാന സെക്രട്ടറി, വൈസ് പ്രസിഡന്റ്, ലോക്കൽ സെൽഫ് ഗവൺമെന്റ് ബോർഡ് ചെയർമാൻ എന്നീ പദവികളും അദ്ദേഹം വഹിച്ചിരുന്നു.
