കഴക്കൂട്ടം: തിരുവനന്തപുരം കഴക്കൂട്ടത്ത് നിന്ന് കാണാതായ അസം സ്വദേശി തസ്മിദ് തംസും ഇപ്പോഴും കാണാമറയത്ത്. 13 കാരിയെ കാണാതായിട്ട് ഇപ്പോൾ 26 മണിക്കൂർ പിന്നിട്ടിരിക്കുകയാണ്. ഇന്നലെയാണ് കുട്ടിയെ കാണാനില്ലെന്ന വിവരം ലഭിക്കുന്നത്.
കന്യാകുമാരി എക്സ്പ്രസിൽ കുട്ടി യാത്ര ചെയ്തതായി കണ്ടുവെന്ന് സ്ഥിതീകരണമുണ്ടായിരുന്നു. എന്നാൽ അവിടെ നിന്ന് കുട്ടി എങ്ങോട്ട് പോയി എന്നതിനെ പറ്റി ഇതുവരെയും യാതൊരു അറിവും ലഭിച്ചിട്ടില്ല. അതെ സമയം കുട്ടി കന്യാകുമാരിയിൽ എത്തിയെന്ന കണ്ടെത്തലിനെ തുടർന്നായിരുന്നു രാവിലെ മുതൽ തമിഴ്നാട് പൊലീസും കേരള പൊലീസും ചേർന്ന് ഊർജിത തിരച്ചിൽ നടത്തിയത്.
കുട്ടിയെ കണ്ടെന്ന ഓട്ടോ ഡ്രൈവറുടെ മൊഴിയുടെ അടിസ്ഥാനത്തിലാണ് കന്യാകുമാരിയിൽ തെരച്ചിൽ നടത്തിയത്. ഇതിന്റെ അടിസ്ഥാനത്തിൽ കന്യാകുമാരിയിലെ സി സി ടി വി ദൃശ്യങ്ങളുടെ പരിശോധന പൂർത്തിയായി. എന്നാൽ പോലീസിന് വ്യക്തമായ സൂചന ലഭിച്ചിട്ടില്ലെന്നാണ് അറിയുന്നത്.
ഇതേ തുടർന്ന് തിരുവനന്തപുരത്ത് നിന്നും പൊലീസ് സംഘം നാഗര്കോവിലിലേക്ക് തിരിച്ചു. നാഗര്കോവില് റെയില്വേ സ്റ്റേഷനിലും പരിസരത്തും പരിശോധന നടത്തും.
