ഡൽഹി: അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ച് ഇന്ത്യന് മുന് ഓപ്പണര് ശിഖർ ധവാൻ. സോഷ്യൽ മീഡിയ പോസ്റ്റിലൂടെയാണ് ശിഖർ ഇക്കാര്യം തന്റെ ആരാധകരെ അറിയിച്ചത്. ഇന്ത്യക്കായി 34 ടെസ്റ്റിലും 167 ഏകദിനങ്ങളിലും 68 ട്വന്റി 20 മത്സരങ്ങളിലും കളിച്ച താരമാണ് ശിഖര് ധവാന്.
2010ലാണ് ഈ 38 കാരൻ ഇന്ത്യൻ ടീമിൽ അരങ്ങേറ്റം കുറിച്ചത്. 24 അന്താരാഷ്ട്ര സെഞ്ചുറികളാണ് ശിഖർ ധവാന്റെ പേരിലുള്ളത്. ”ക്രിക്കറ്റ് യാത്രയുടെ ഈ അധ്യായം അവസാനിപ്പിക്കുകയാണ്. അസംഖ്യം ഓർമകളും കൃതജ്ഞതയും എനിക്കൊപ്പം ഉണ്ടാകും. നിങ്ങളുടെ സ്നേഹത്തിനും പിന്തുണയ്ക്കും നന്ദി” എന്നാണ് ധവാൻ പങ്കു വച്ച വിഡിയോയിൽ പറഞ്ഞിരിക്കുന്നത്.
