കഴക്കൂട്ടം : അണ്ടൂർക്കോണം സർവീസ് സഹകരണ ബാങ്ക് ഭരണസമിതി തിരഞ്ഞെടുപ്പിൽ ഇടതുപക്ഷ ജനാധിപത്യ മുന്നണി സ്ഥാനാർഥികൾക്ക് വിജയം. വിജയിച്ച സ്ഥാനാർഥികളെ സിപിഎം മംഗലപുരം ഏരിയ സെക്രട്ടറി മധു മുല്ലശേരി, ഏരിയ കമ്മിറ്റി അംഗങ്ങളായ എം ജലീൽ, അഡ്വ എൻ സായികുമാർ തുടങ്ങിയവർ ചേർന്ന് സ്വീകരിച്ചു. ബാങ്ക് ഭരണസമിതി പ്രസിഡന്റായി ബി രാജേന്ദ്രകുമാറിനെ തിരഞ്ഞെടുത്തു.
ബാങ്കിനെ തകർക്കാനായി കോൺഗ്രസ് നടത്തിയ അപവാദ അസത്യ പ്രചരണങ്ങൾക്കെതിരെ സഹകാരികൾ നൽകിയ മറുപടിയാണ് വൻ ഭൂരിപക്ഷത്തിൽ ഇടതുപക്ഷ സ്ഥാനാർഥികളുടെ വിജയമെന്ന് ഏരിയ സെക്രട്ടറി മധു മുല്ലശേരി പറഞ്ഞു.
