കുവൈത്ത്: കുവൈത്ത് മുൻ പ്രധാനമന്ത്രി ഷെയ്ഖ് ജാബർ മുബാറക് അൽ ഹമദ് അൽ സബാഹ് അന്തരിച്ചു. 82 വയസായിരുന്നു. 2011 മുതൽ 2019 വരെ അദ്ദേഹം കുവൈത്തിന്റെ പ്രധാനമന്ത്രിയായി സേവനമനുഷ്ഠിച്ചു.
ഇന്ന് രാവിലെയാണ് അന്ത്യം സംഭവിച്ചത്. 1942-ജനുവരി നാലിനാണ് അദ്ദേഹം ജനിച്ചത്. 1968ലാണ് പൊതുസേവന രംഗത്തേക്ക് കടന്നുവരുന്നത്.
അമീരി ദിവാനിൽ ഭരണപരവും സാമ്പത്തികവുമായ കാര്യങ്ങളുടെ കൺട്രോളർ, ഡിപ്പാർട്ട്മെന്റ് ഡയറക്ടർ, അഡ്മിനിസ്ട്രേറ്റീവ് ആൻഡ് ഫിനാൻഷ്യൽ അഫയേഴ്സ് അസിസ്റ്റന്റ് അണ്ടർസെക്രട്ടറി എന്നീ പദവികൾ വഹിച്ചിട്ടുണ്ട്.
