ഷിലൂർ: ഷിരൂരിൽ നിന്ന് മടങ്ങുന്നുവെന്ന് പ്രാദേശിക മുങ്ങൽ വിദഗ്ധൻ ഈശ്വർ മാൽപെ. അർജുനടക്കം മൂന്ന് പേർക്കായുളള തെരച്ചിലാണ് മാൽപെ അവസാനിപ്പിക്കുന്നത്. ജില്ലാ ഭരണകൂടവുമായുള്ള ഭിന്നതയെ തുടർന്നാണ് തീരുമാനം.
ഗംഗാവലി പുഴയിലിറങ്ങി പരിശോധിക്കുന്നതിന് പോലീസ് തന്നെ തടയുകയാണെന്നാണ് മാൽപെ പറയുന്നത്. ദൗത്യം പൂർത്തിയാക്കാൻ കഴിയാത്ത സാഹചര്യത്തിൽ അർജുന്റെ അമ്മയോടും കുടുംബത്തോടും മാൽപെ മാപ്പ് പറഞ്ഞു.
ഇനി ജില്ലാ ഭരണകൂടം കത്തിലൂടെ ആവശ്യപ്പെട്ടാൽ മാത്രമേ വരൂവെന്നും ഈശ്വർ മാൽപെ വ്യക്തമാക്കി. ജില്ലാ ഭരണകൂടത്തിന്റെ ഒരു സപ്പോർട്ടും ഇതുവരെ കിട്ടിയിട്ടില്ലെന്നും മടുത്തിട്ടാണ് താൻ പോകുന്നതെന്നും മാല്‍പെ വ്യക്തമാക്കി.
