കൊച്ചി: ദുരിതമൊഴിയാതെ വേണാട് എക്സ്പ്രസ്സിലെ ട്രെയിൻ യാത്ര. എല്ലാം ബോഗികളിലും യാത്രക്കാർ കുത്തിനിറഞ്ഞാണ് യാത്രചെയ്യുന്നത്. തിക്കിലും തിരക്കിലും പെട്ട് യാത്രക്കാര്‍ കുഴഞ്ഞുവീണു. ണ്ട് വനിതാ യാത്രക്കാർ കുഴഞ്ഞുവീണത്.
സംഭവത്തിന് പിന്നാലെ യാത്രക്കാര്‍ തിങ്ങിനിറഞ്ഞുള്ള വേണാട് എക്സപ്രസിലെ കോച്ചിലെ ദൃശ്യങ്ങളും പുറത്തുവന്നു. കൂടാതെ വ്യാപക പ്രതിഷേധവുമായി യാത്രക്കാരും രംഗത്തെത്തി. വന്ദേ ഭാരതിനായി ട്രെയിൻ പിടിച്ചിടുന്നതും സമയക്രമം മാറ്റിയതും വലിയ തിരിച്ചടിയായെന്നാണ് യാത്രക്കാര്‍ ആരോപിക്കുന്നത്.
നിരവധി തവണ വേണാട് എക്സ്പ്രസ്സിലെ ബുദ്ധിമുട്ടുകളെ കുറിച്ച് പരാതിപ്പെട്ടെങ്കിലും യാതൊരു നടപടികളും സ്വീകരിച്ചിട്ടില്ലെന്നും യാത്രക്കാർ പറയുന്നു. രാവിലെ ഓഫീസില്‍ പോകണ്ടവരും വിദ്യാര്‍ത്ഥികളും ഉള്‍പ്പെടെയുള്ള യാത്രക്കാരാണ് വേണാട് എക്സ്പ്രസിൽ കൂടുതലും യാത്ര ചെയ്യുന്നത്.
