കോട്ടയം: ഹേമ കമ്മറ്റി റിപ്പോർട്ടിന്മേൽ ആദ്യകേസ് രജിസ്റ്റർ ചെയ്തു. കൊല്ലം സ്വദേശിയായ മേക്കപ്പ് ആർട്ടിസ്റ്റ് നൽകിയ മൊഴിയുടെ അടിസ്ഥാനത്തിലാണ് കേസെടുത്തത്. അപമര്യാദയായി പെരുമാറിയെന്ന് കാണിച്ച് മേക്കപ്പ് മാനേജർക്ക് എതിരെയാണ് കേസ്.
കൊരട്ടി സ്വദേശിയായ സജീവിനെതിരെയാണ് പൊൻകുന്നം പോലീസ് എഫ് ഐ ആർ രജിസ്റ്റർ ചെയ്തത്. കേസ് സ്പെഷ്യൽ ഇൻവെസ്റ്റിഗേഷൻ ടീമിന് കൈമാറി. 2014 ലാണ് കേസിനാസ്പദമായ സംഭവം നടന്നത്. താമസ സ്ഥലത്തുവെച്ചാണ് അപമര്യാദയായി പെരുമാറിയതെന്നും യുവതി നൽകിയ മൊഴിയിൽ പറയുന്നു.
