ആലുവ: ജിം ട്രെയിനർ വെട്ടേറ്റ് മരിച്ച നിലയിൽ. ആലുവയിലാണ് സംഭവം. കണ്ണുര് സ്വദേശിയായ സാബിത്തിനെയാണ് വേട്ടേറ്റ് മരിച്ച നിലയിൽ കണ്ടെത്തിയത്. വികെസി ബാറിന് സമീപമുള്ള വാടക വീട്ടിലാണ് സംഭവം നടന്നത്. ആലുവ ചുണങ്ങംവേലി കെപി ജിമ്മിലെ ട്രെയിനറാണ് സാബിത്ത്.
സംഭവത്തിൽ ആലുവ ചുണങ്ങുംവേലിൽ ഫിറ്റ്നെസ് സെന്റര് നടത്തുന്ന കൃഷ്ണ പ്രതാപിനെ പോലീസ് പിടികൂടി. സംഭവം നടന്ന് മണിക്കൂറുകൾക്കകം തന്നെയാണ് പ്രതിയെ പോലീസ് പിടികൂടിയത്. സംഭവത്തിനുശേഷം ബന്ധുവീട്ടിൽ ഒളിവിൽ കഴിയുകയായിരുന്നു ഇയാൾ.
വയറിനും തലയ്ക്കുമാണ് വെട്ടേറ്റിരിക്കുന്നത്. ജിം നടത്തിപ്പുക്കാരനായ കൃഷ്ണ പ്രതാപിന്റെ കൂടെയാണ് സാബിത്ത് ജോലി ചെയ്തിരുന്നത്. സാമ്പത്തിക ഇടപാടുകളെ ചൊല്ലി ഇരുവരും തമ്മിൽ തര്ക്കമുണ്ടായിരുന്നുവെന്നാണ് അറിയുന്നത്. ഇതാകാം കൊലപാതകത്തിലേക്ക് നയിച്ചതെന്നാണ് കരുതുന്നത്.
