കണ്ണൂര്: തന്റെ ആത്മകഥയിലേത് എന്ന് പറഞ്ഞ് പ്രചരിക്കുന്ന വാര്ത്തകള് അടിസ്ഥാനരഹിതമാണെന്ന് സിപിഐഎം നേതാവ് ഇ പി ജയരാജന്. തന്റെ ആത്മകഥ പ്രസിദ്ധീകരിക്കാൻ ആരെയും ചുമതലപ്പെടുത്തിയിട്ടില്ലെന്നും തിരഞ്ഞെടുപ്പ് ദിവസം തെറ്റായ പ്രചാരണം നടത്തുന്നുവെന്നും ഇപി ജയരാജൻ പറഞ്ഞു.
തന്റെ ആത്മകഥയുടെ കവര് ചിത്രം പോലും തയ്യാറാക്കിയിട്ടില്ല. സംഭവത്തിൽ നിയമനടികളിലേക്ക് കടക്കുമെന്നും അദ്ദേഹം വ്യക്തമാക്കി. ഇന്ന് പുറത്തുവന്ന ഒരു കാര്യവും ഞാൻ എഴുതിയതല്ല. ഡി സി ബൂക്കുമായി തനിക്ക് ഒരു കരാറുമില്ല. എഴുതിക്കഴിഞ്ഞ കാര്യങ്ങള് ഒരാള്ക്കും ഇതുവരെതാൻ കൈമാറിയിട്ടില്ല. മാത്രമല്ല എൻറെ പുസ്തകം താമസിയാതെ പ്രസിദ്ധീകരിക്കുമ്പോൾ നിങ്ങൾക്ക് കാര്യങ്ങൾ മനസ്സിലാകുമെന്നും ഇ പി ജയരാജൻ വ്യക്തമാക്കി.
