തിരുവനന്തപുരം: കോൺക്രീറ്റ് മിക്സിങ് ലോറി തട്ടി ടെക്നോപാർക്ക് സോഫ്റ്റ് വയർ എൻജിനീയർ മരിച്ചു. കാര്യവട്ടം തുണ്ടത്തിൽ നവോദയ നഗറിൽ ടിസി 2404ൽ മുഹമ്മദ് അഷറഫ് അലി (36) ആണ് മരിച്ചത്. മൃതദേഹം സ്വകാര്യ ആശുപത്രി മോർച്ചറിയിലാണ്. ഇന്നലെ രാവിലെ 10.30 ന് ശ്രീകാര്യം ജംക്ഷനു സമീപം വച്ചായിരുന്നു അപകടം. ടെക്നോപാർക്ക് അലയൻസ് കമ്പനിയിലെ എൻജിനിയറായ മുഹമ്മദ് അഷറഫ് അലി ശ്രീകാര്യത്തുള്ള ഫിസിയോ തെറാപ്പിസ്റ്റിനെ കാണാൻ സ്കൂട്ടറിൽ പോകവേ മറ്റൊരു വാഹനത്തിനു സൈഡ് കൊടുക്കാനായി വെട്ടി തിരിക്കുമ്പോൾ നിയന്ത്രണം വിട്ട് സ്കൂട്ടർ ലോറിയുടെ അടിയിൽപ്പെട്ടു. നാട്ടുകാർ ആശുപത്രിയിൽ എത്തിച്ചെങ്കിലും ഉച്ചയോടെ മരിച്ചു. അജീമിൻ്റെയും പരേതനായ ബഷീർ മുഹമ്മദിൻ്റെയും മകനാണ്. പാലക്കാട് സ്വദേശിയായ മുഹമ്മദ് അഷറഫ് അലി ഏറെ കാലമായി കാര്യവട്ടത്താണ് താമസം. ടെക്നോപാർക്കിലെ ടാറ്റ ഇലക്സി യിലെ സോഫ്റ്റ് വയർ എൻജിനീയർ റഹ്മത്ത് ആണ് ഭാര്യ ‘മകൻ 9 മാസം പ്രായമുള്ള റാഹിൽ
