തിരുവനന്തപുരം: തിരുവനന്തപുരം ശിശുക്ഷേമ സമിതിയിൽ പിഞ്ചുകുഞ്ഞിനോട് കൊടും ക്രൂരത. രണ്ടര വയസ്സുകാരിയുടെ ജനനേന്ദ്രിയത്തിൽ മുറിവേൽപ്പിച്ചു. സംഭവത്തിൽ ആയമാരായ അജിത , മഹേശ്വരി, സിന്ധു എന്നിവരെ പൊലീസ് അറസ്റ്റ് ചെയ്തു.
കിടക്കയിൽ മൂത്രമൊഴിച്ചതിനാണ് കുട്ടിയെ ഉപദ്രവിച്ചതെന്നാണ് പുറത്തുവരുന്ന വിവരം. ശിശുക്ഷേമ സമിതി ജനറൽ സെക്രട്ടറിയാണ് പൊലീസിന് പരാതി നൽകിയത്. പോക്സോ കേസിലാണ് ഇവരെ അറസ്റ്റിലായത്. കുഞ്ഞിനെ ഉപദ്രവിച്ചതിനും ഉപദ്രവിച്ച കാര്യം മറച്ചു വച്ചതിനുമാണ് കേസ്.
കഴിഞ്ഞ ദിവസമാണ് സംഭവം പുറത്തറിഞ്ഞത്. കഴിഞ്ഞ ദിവസം കുഞ്ഞിനെ മറ്റൊരു ആയ കുളിപ്പിച്ചപ്പോള് കുഞ്ഞ് വല്ലാതെ കരഞ്ഞിരുന്നു. സംശയം തോന്നിയ ജീവനക്കാര് ഉടന് തന്നെ ശിശുക്ഷേമ സമിതി ജനറല് സെക്രട്ടറിയെ വിവരമറിയിച്ചു. ഇവർ ഉടൻ തന്നെ കുഞ്ഞിനെ ആശുപത്രിയിൽ പ്രവേശിപ്പിക്കുകയും തടുർന്ന് കുഞ്ഞിനെ പരിശോധിച്ചപ്പോഴാണ് ജനനേന്ദ്രിയത്തില് ഗുരുതര പരുക്കുണ്ടെന്ന് മനസിലാക്കിയത്.
