ബംഗളൂരു: കർണാടകയിലെ ഹോസ്റ്റൽ മുറിയിൽ മലയാളി വിദ്യാർഥിനിയെ മരിച്ച നിലയിൽ കണ്ടെത്തി. ഒന്നാം വർഷ ബി എസ് സി നഴ്സിങ് വിദ്യാർത്ഥി അനാമിക ( 19) ആണ് മരിച്ചത്. കർണാടക രാമനഗരിയിലെ ദയാനന്ദ സാഗർ കോളജിലെ വിദ്യാർഥിയാണ് അനാമിക.
ഹോസ്റ്റല് മുറിയില് രാവിലെയാണ് മൃതദേഹം കണ്ടത്. ഇന്നലെ രാത്രി അനാമിക ആഹാരം കഴിക്കാൻ വന്നിരുന്നില്ല. തുടർന്ന് സഹപാഠികൾ അനാമികയുടെ മുറിയിൽ നോക്കിയപ്പോൾ മുറി അകത്ത് നിന്ന് പൂട്ടിയ നിലയിലായിരുന്നു.
തുടർന്ന് ഡൂപ്ലിക്കേറ്റ് താക്കോൽ ഉപയോഗിച്ച് വാതിൽ തുറന്ന് നോക്കിയപ്പോഴാണ് മുറിയിൽ തൂങ്ങി മരിച്ച നിലയിൽ കണ്ടെത്തിയത്. സംഭവത്തിൽ പരോഹള്ളി പൊലീസ് അന്വേഷണം ആരംഭിച്ചു.
