തിരുവനന്തപുരം: കാര്യവട്ടം ഗവൺമെന്റ് കോളേജിലെ അതിക്രൂര റാഗിങില് നടപടി സ്വീകരിച്ച് കോളേജ് അധികൃതർ. ബയോടെക്നോളജി ഒന്നാം വർഷ വിദ്യാർത്ഥി ബിൻസ് ജോസ് നൽകിയ നൽകിയ പരാതിയിലാണ് നടപടി. സംഭവത്തിൽ 7 സീനിയർ വിദ്യാർത്ഥികളെ സസ്പെന്റ് ചെയ്തു.
സീനിയര് വിദ്യാര്ഥികളായ വേലു, പ്രിന്സ്, അനന്തന്, പാര്ത്ഥന്, അലന്, ശ്രാവണ്, സല്മാന് എന്നിവരെയാണ് സസ്പെൻഡ് ചെയ്തത്. പ്രതിയാക്കിയ വിദ്യാർത്ഥികൾകെതിരെ പൊലീസ് റാഗിംഗ് നിയമം ചുമത്തും.
ഒരു പ്രകോപനവുമില്ലാതെയാണ് സീനിയര് വിദ്യാര്ത്ഥികള് തന്നെ മര്ദിച്ചതെന്ന് റാഗിംഗിന് ഇരയായ കുട്ടി പറഞ്ഞു. കാൽമുട്ടിൽ നിലത്തു നിർത്തിയായിരുന്നു മർദ്ദനം. കുടിക്കാൻ വെള്ളം ചോദിച്ചപ്പോൾ തുപ്പിയ വെള്ളം തന്നുവെന്നും ഷർട്ട് വലിച്ചുകീറിയെന്നും വിദ്യാർഥി പറഞ്ഞു. സംഘം ചേര്ന്ന് ഒരു മണിക്കൂറോളം നേരം തന്നെ ബെല്റ്റ് കൊണ്ടുള്പ്പെടെ മര്ദിച്ചെന്നും വിദ്യാര്ത്ഥി പറഞ്ഞു.
