ചെന്നൈ: വ്യവസിയും സിനിമ നിർമ്മാതാവുമായ ഗോകുലം ഗോപാലന്റെ ഓഫീസുകളിലെ ഇ ഡി റെയ്ഡ് അവസാനിച്ചു. ഇന്ന് പുലർച്ചയെ നാല് മണിക്കാണ് തമിഴ്നാട് കോടമ്പക്കത്തെ ഓഫീസിൽ പരിശാധന അവസാനിച്ചത്. നിർണ്ണായകമായ സാമ്പത്തിക രേഖകളും ഒന്നര കോടി രൂപയും പരിശോധനയിൽ പിടിച്ചെടുത്തു എന്നാണ് സൂചന.
ഗോപാലൻ മൂന്ന് മാസമായി ഇ ഡി നിരീക്ഷണത്തിലായിരുന്നു എന്നാണ് വിവരം. പിടിച്ചെടുത്ത രേഖകൾ പരിധോധിച്ച ശേഷം ഗോകുലം ഗോപാലനെ വീണ്ടും ചോദ്യം ചെയ്തേക്കും. കോഴിക്കോട്ടെ റെയ്ഡിനിടെയും പിന്നീട് ചെന്നൈയിൽ എത്തിച്ചും ഗോകുലം ഗോപാലനെ കഴിഞ്ഞ ദിവസം ഇ ഡി ചോദ്യം ചെയ്തിരുന്നു. ചോദ്യം ചെയ്യൽ ഏഴര മണിക്കൂർ നീണ്ടു.
വിദേശ നാണയ ചട്ടം ലംഘിച്ചതിനാണ് റെയ്ഡും ചോദ്യം ചെയ്യലും. ഫെമ നിയമം ലംഘിച്ചു എന്നും ഇ ഡിയുടെ കണ്ടെത്തൽ. 2022ൽ രജിസ്റ്റർ ചെയ്ത കേസിന്റെ ഭാഗമായാണ് നിലവിൽ നടപടിക്രമങ്ങൾ പുരോഗമിക്കുന്നത്.
