ന്യൂ ഡൽഹി: വഖഫ് ഭേദഗതി നിയമം ഇന്ന് മുതൽ പ്രാബല്യത്തിൽ. നിയമ ഭേദഗതിയുമായി ബന്ധപ്പെട്ട് കേന്ദ്രസർക്കാർ വിജ്ഞാപനം ഇറക്കി. ഞായറാഴ്ചയാണ് ഗവർണ്ണർ ദ്രൗപതി മുർമ്മു വഖഫ് ഭേദഗതി ബില്ലിൽ ഒപ്പുവെച്ചത്. നിയമം നടപ്പാക്കുന്നതിന് ചട്ടങ്ങൾ ഉടൻ രൂപീകരിക്കും. നിയമഭേദഗതി ചോദ്യം ചെയ്തുള്ള നിരവധി ഹർജികൾ സുപ്രീംകോടതിയുടെ പരിഗണനയിലിരിക്കെയാണ് നിയമം പ്രാബല്യത്തിൽ ആക്കിക്കൊണ്ടുള്ള കേന്ദ്ര സർക്കാരിന്റെ തിടുക്കപ്പെട്ടുള്ള നീക്കം.
വഖഫ് നിയമഭേദഗതിയുടെ ഭരണഘടന സാധുത ചോദ്യം ചെയ്തുള്ള ഹർജികൾ ഈ മാസം 16നു സുപ്രീം കോടതി പരിഗണിക്കും. 12ലധികം ഹർജികളാണ് കോടതിക്ക് മുന്നിലുള്ളത്. അതിനിടെ നിയമം ചോദ്യം ചെയ്ത് കൊണ്ടുള്ള ഹർജികളിൽ കേന്ദ്രം തടസ്സം ഹർജി ഫയൽ ചെയ്തു. കേന്ദ്രത്തിൻ്റെ ഭാഗം കേൾക്കാതെ നിയമത്തിന് എതിരായ ഹർജികളിൽ ഉത്തരവ് ഇടരുത് എന്നാണ് തടസ ഹർജിയിലെ പ്രധാന ആവശ്യം.
