തിരുവനന്തപുരം: കേരളാ തീരത്ത് നിന്ന് അകലെയായി അറബിക്കടലിൽ അപകടരമായ വസ്തുക്കൾ അടങ്ങിയ കാർഗോ കടലിൽ വീണു. ഇന്ധനം കയറ്റിപ്പോയിരുന്ന കാര്ഗോയില് നിന്നാണ് പെട്ടികള് കടലില് വീണത്. വിഴിഞ്ഞത്തു നിന്നും കൊച്ചിയിലേക് പോയ ലൈബീരിയൻ കപ്പലാണ് അപകടത്തിൽപെട്ടതെന്ന് നാവികസേനാ വക്താവ് അറിയിച്ചു.
ഓയില് കാര്ഗോ മെയിന്റനന്സ് നടത്തുന്ന കപ്പലില് നിന്നാണ് കാര്ഗോ കടലില് വീണത്. കടലില് വീണ വസ്തു കരയിലേക്ക് അടിയാന് സാധ്യതയുണ്ട്. ഇതിനെ തുടര്ന്നാണ് ജനങ്ങള്ക്ക് മുന്നറിയിപ്പ് നല്കിയിരിക്കുന്നത്. മറൈന് ഗ്യാസ് ഓയില്, വിഎല്എസ്എഫ്ഒ ഈ വസ്തുക്കളാണ് കടലില് വീണത്.
ഇതിന് അടുത്തേക്ക് ആരും പോകരുതെന്ന് കോസ്റ്റ് ഗാര്ഡ് മുന്നറിയിപ്പ് നല്കി. പെട്ടികളോ എണ്ണപ്പാടയോ കണ്ടാല് പൊതുജനങ്ങള് 112 എന്ന നമ്പറില് അറിയിക്കണം. കൊച്ചിയില് നിന്ന് നാവികസേനയുടെ കപ്പലും കോസ്റ്റ് ഗാര്ഡിന്റെ രണ്ട് കപ്പലുകളും സ്ഥലത്തേക്ക് തിരിച്ചിട്ടുണ്ട്. 38 നോട്ടിക്കല് മൈല് അകലെയാണ് കാര്ഗോ കടലില് വീണത്.
കപ്പലിലുണ്ടായിരുന്ന ഒൻപത് ജീവനക്കാർ ലൈഫ് ജാക്കറ്റ് ഉപയോഗിച്ച് രക്ഷപ്പെട്ടു. ബാക്കിയുള്ളവരെ രക്ഷിക്കാൻ ശ്രമിക്കുകയാണെന്നും അദ്ദേഹം അറിയിച്ചു. നിലവിൽ കേരളാ തീരത്തിനടുത്ത് കടലിൽ ചരിഞ്ഞുകിടക്കുന്ന നിലയിലാണ് കപ്പൽ. കപ്പലിൽ 22 മുതൽ 24 വരെ ആളുകൾ ജീവനക്കാരായി ഉണ്ടായിരുന്നുവെന്നാണ് വിവരം.
