തിരുവനന്തപുരം: വർക്കലയിൽ ഒമ്പതാം ക്ലാസുകാരിയെ പീഡിപ്പിച്ചു ഗർഭിണിയാക്കി. സംഭവത്തിൽ അമ്മയുടെ സഹോദരനെ പോലീസ് പിടികൂടി. ശക്തമായ വയറു വേദനയെ തുടർന്ന് കുട്ടിയെ ആശുപത്രിയിലെത്തിച്ചപ്പോഴാണ് വിവരം പുറത്തറിയുന്നത്.
കുട്ടിയുടെ അമ്മാവനായ 42 കാരനെയാണ് പൊലീസ് അറസ്റ്റു ചെയ്തത്. പ്രതിയുടെ ഭാര്യ പിണങ്ങിപ്പോയതോടെ സഹോദരിക്കൊപ്പമായിരുന്നു താമസം. ഇതിനിടെ കുട്ടിയെ ഇയാൾ നിരന്തരമായി പീഡിപ്പിച്ചിരുന്നു. സംഭവം പുറത്തറിഞ്ഞാൽ കൊന്നുകളയുമെന്ന് ഭീഷണിപ്പെടുത്തിയിരുന്നതായും കുട്ടി പൊലീസിന് മൊഴി നൽകി.
കുട്ടി സ്കൂൾ കഴിഞ്ഞു വരുന്ന സമയം വീട്ടിൽ ആരും ഉണ്ടാവാറില്ല. ഈ സമയത്താണ് പ്രതി കുട്ടിയെ അതിക്രൂരമായി പീഡിപ്പിച്ചിരുന്നത്. പരിശോധനയ്ക്കിടെ കുട്ടി ഗർഭിണിയാണെന്ന് അറിഞ്ഞതോടെ ഡോക്ടർമാർ പൊലീസിൽ വിവരം അറിയിക്കുകയായിരുന്നു. തുടർന്നാണ് സംഭവം പുറത്തറിയുന്നത്.
