കോഴിക്കോട്: സ്കൂളുകളിൽ സൂംബ പരിശീലനം നടപ്പിലാക്കാനുള്ള തീരുമാനത്തിൽ നിന്ന് സർക്കാർ പിന്നോട്ടില്ലെന്ന് വിദ്യാഭ്യാസ മന്ത്രി വി ശിവൻകുട്ടി വ്യക്തമാക്കി. സ്കൂളില് നടക്കുന്നത് ചെറു വ്യായാമമാണ് അതില് കുട്ടികള് നിര്ബന്ധമായും പങ്കെടുക്കണമെന്ന് മന്ത്രി വി ശിവന്കുട്ടി പറഞ്ഞു.
കൂട്ടികൾ യൂണിഫോമിലാണ് ഇത് ചെയ്യുന്നതെന്നും അൽപ്പവസ്ത്രം ധരിക്കാൻ ആരോടും ആവശ്യപ്പെട്ടിട്ടില്ലെന്നും മന്ത്രി കൂട്ടിച്ചേർത്തു. . തെറ്റിദ്ധാരണയുണ്ടെങ്കിൽ ചർച്ചയ്ക്ക് തയ്യാറാണെന്നും മന്ത്രി പറഞ്ഞു. സൂംബ ഡാന്സിനെതിരെ ചില കോണിൽ എതിർപ്പ് ഉയരുന്നുണ്ട്. ഇത്തരം എതിർപ്പുകൾ ലഹരിയേക്കാൾ മാരകമാണെന്നും ഇത് സമൂഹത്തിൽ വിഭാഗീയതക്ക് കാരണമാകുമെന്നും മന്ത്രി പറഞ്ഞു.
സൂംബയിൽ ചർച്ച് ചെയ്തു തെറ്റിദ്ധാരണ നീക്കാൻ തയ്യാറാണ്. എന്നാൽ തീരുമാനത്തിൽ നിന്നും പിന്നോട്ടില്ല ഇതൊന്നും വിവാദം ആക്കേണ്ടതില്ല.വിദ്യാഭ്യാസ അവകാശ നിയമപ്രകാരം സർക്കാർ നിർദേശിക്കുന്ന പഠന പ്രക്രിയകൾകൾക്ക് കുട്ടികൾ നിർബന്ധമായും പങ്കെടുക്കണം. രക്ഷിതാവിന് അതില് ചോയ്സ് ഇല്ല. കോണ്ടക്ട് റൂള്സ് പ്രകാരം വകുപ്പ് നിര്ദേശിക്കുന്ന കാര്യങ്ങള് ചെയ്യാന് അദ്ധ്യാപകന് ബാധ്യത ഉണ്ടെന്നും മന്ത്രി പറഞ്ഞു.
