മലയാള സിനിമാ താരങ്ങളുടെ സംഘടനയായ എഎംഎംഎയെ ഇനി വനിതകള് നയിക്കും. ശ്വേത മേനോൻ എഎംഎംഎ പ്രസിഡന്റ് ആയി തിരഞ്ഞെടുക്കപ്പെട്ടു. ജനറൽ സെക്രട്ടറി സ്ഥാനത്തേക്ക് കുക്കു പരമേശ്വരനും തിരഞ്ഞെടുത്തു.
അമ്മയുടെ ചിത്രത്തിലെ തന്നെ ആദ്യ വനിതാ പ്രസിഡന്റാണ് ശ്വേത. 17 വോട്ടുകളുടെ ഭൂരിപക്ഷത്തിലാണ് മുതിർന്ന താരം ദേവനെ തോൽപ്പിച്ച് ശ്വേതാ മേനോൻ പ്രസിഡണ്ടായത്. ട്രഷറര് ആയി ഉണ്ണി ശിവപാല് ജയിച്ചു. ജയന് ചേര്ത്തല, ലക്ഷ്മിപ്രിയ എന്നിവരാണ് വൈസ് പ്രസിഡന്റുമാര്.
ആകെ 504 അംഗങ്ങള് ഉള്ളതില് 298 പേരാണ് വോട്ട് ചെയ്തത്. മമ്മൂട്ടി, ഫഹദ് ഫാസിൽ, നിവിൻ പോളി, പൃഥ്വിരാജ്, ഇന്ദ്രജിത്ത്, ആസിഫ് അലി തുടങ്ങിയ താരങ്ങൾ തിരഞ്ഞെടുപ്പിൽ പങ്കെടുത്തില്ല. ഇത്തവണ പോളിങ് ശതമാനത്തില് വലിയ ഇടിവ് സംഭവിച്ചിരുന്നു. 58 ശതമാനമാണ് ഇത്തവണത്തെ പോളിംഗ്.
