തിരുവനന്തപുരം: വർക്കലയിൽ അഞ്ച് കിലോ കഞ്ചാവുമായി യുവതി പിടിയിൽ. അയിരൂർ കൊച്ചുപാരിപ്പള്ളിയിൽ വാടകയക്ക് താമസിക്കുന്ന ചിഞ്ചുവിനെയാണ് പോലീസ് അതിസാഹസികമായി പിടികൂടിയത്.
റൂറൽ ഡാൻസാഫിന് ലഭിച്ച വിവരത്തിന്റെ അടിസ്ഥാനത്തിൽ ഇന്നലെ ഉച്ചയോടെ പോലീസ് വീട് വളയുകയായിരുന്നു. അയിരൂർ കൊച്ചുപാരിപ്പള്ളിമുക്കിൽ 1 വർഷമായി വാടകയക്കാണ് ചിഞ്ചു താമസിച്ചിരുന്നു. വീട്ടിൽ വച്ച് തന്നെയായിരുന്നു കഞ്ചാവ് ഇടപാടുകൾ നടത്തിയിരുന്നത്.
റൂറൽ ഡാൻസാഫ് സംഘം വീട് വളഞ്ഞാണ് യുവതിയെ പിടികൂടിയത്. പരിശോധനയിൽ അഞ്ച് കിലോയിലേറെ കഞ്ചാവും കഞ്ചാവ് ഇടപാടിലൂടെ ലഭിച്ച 12,000 രൂപയും പോലീസ് കണ്ടെടുത്തു. യുവതിയുടെ ആൺ സുഹൃത്ത് 26 കിലോ കഞ്ചായ് കടത്തിയ കേസിൽ കോയമ്പത്തൂർ ജയിലിലാണ്.
