തിരുവനന്തപുരം: തിരുവനന്തപുരം വർക്കലയിൽ അഞ്ച് വയസുകാരിയെ തെരുവുനായ ആക്രമിച്ചു. മദ്രസ പഠനം കഴിഞ്ഞ് വീട്ടിലേക്ക് പോകുന്നതിനിടയിലാണ് സംഭവം നടന്നത്. വെട്ടൂർ സ്വദേശികളായ ഷെഹീർ- ആമിന ദമ്പതികളുടെ മകൾക്കാണ് നായയുടെ കടിയേറ്റത്.
കുട്ടിയുടെ മുഖത്തും കൈകാലുകളിലും ആഴത്തിൽ മുറിവേറ്റിട്ടുണ്ട്. കുട്ടിയുടെ നിലവിളികേട്ട് നാട്ടുകാർ ഓടിയെത്തിയാണ് കുട്ടിയെ നായയുടെ അടുത്ത് നിന്ന് രക്ഷിച്ചത്. തുടർന്ന് ഉടൻ തന്നെ കുട്ടിയെ വർക്കല താലൂക്ക് ആശുപത്രിയിൽ പ്രവേശിപ്പിക്കുകയായിരുന്നു.
