തിരുവനന്തപുരം: തിരുവനന്തപുരം കഴക്കൂട്ടത്ത്നിന്ന് എംഡിഎംഎയും ലഹരി വസ്തുക്കളും പിടികൂടി. കഴക്കൂട്ടത്ത് രണ്ടിടങ്ങളിൽ നിന്നാണ് എംഡിഎംഎയും ഗോൾഡൻ ഷാംപെയ്നും പിടികൂടിയത്. സംഭവത്തിൽ തുമ്പ ആറാട്ടുവഴി സ്വദേശികളായ ഷാരോൺ ജേക്കബ് (29) ഡൊമിനിക് പീറ്റർ (31)എന്നിവരെ പിടികൂടി.
സിറ്റി ഡാൻസാഫ് ടീമാണ് ഇവരെ പിടികൂടിയത്. ഡൊമിനിക് പീറ്ററിൻ്റെ പക്കൽ നിന്നും ഗോൾഡൻ ഷാംപെയ്നടക്കം 14 ഗ്രാം ലഹരി വസ്തുക്കളും ഷാരോണിൻ്റെ കൈവശം 10 ഗ്രാം രാസലഹരിയും ആണ് കണ്ടെടുത്തത്. ന്യൂ ഇയർ ആഘോഷങ്ങൾ പ്രമാണിച്ച് ബീച്ചുകളിലും തീരദേശത്തും വിൽപ്പന നടത്താൻ ബാംഗ്ലൂരിൽ നിന്നും ലഹരി വസ്തുക്കൾ എത്തിക്കുകയും ഇവ തുമ്പയിൽ എത്തിച്ച് വിൽപ്പന നടത്താൻ ശ്രമിക്കുമ്പോഴായിരുന്നു ഇവരെ പിടികൂടിയത്.
