തിരുവനന്തപുരം: തിരുവനന്തപുരത്ത് 13 വയസുകാരനെ പീഡിപ്പിച്ച കേസിൽ അറുപതുകാരൻ അറസ്റ്റിൽ. നെടുമങ്ങാട് പത്താംകല്ല് സ്വദേശി ഷിയാദ് മൊയ്തീനെ ആണ് അറസ്റ്റ് ചെയ്തത്. നെടുമങ്ങാട് പത്താംകല്ല് ഗ്രൗണ്ടിൽ പതിവായി സൈക്കിൾ ചവിട്ടാൻ പോകുന്ന വിദ്യാർഥിയെയാണ് ഇയാൾ പീഡിപ്പിച്ചത്.
ചവിട്ടാൻ എത്തുന്നത് കണ്ട ഇയാൾ കുട്ടിയെ നിരീക്ഷിക്കുകയും ഇയാൾ കുട്ടിയുമായി സൗഹൃദം സ്ഥാപിക്കുകയും ചെയ്തു. തുടർന്ന് കുട്ടിയെ പരിചയപ്പെട്ട ശേഷം പ്രതി ഓട്ടോയുമായി വന്നു ആളൊഴിഞ്ഞ സ്ഥലത്തേക്ക് ഓട്ടോയിൽ കയറ്റിക്കൊണ്ട് പോയി പീഡിപ്പിക്കുകയായിരുന്നു.
പല തവണയാണ് കുട്ടിയെ ഇയാൾ ഇത്തരത്തിൽ പീഡിപ്പിച്ചത്. പുറത്തുപറഞ്ഞാൽ കുട്ടിയെ കൊലപ്പെടുത്തുമെന്നും ഇയാൾ ഭീഷണിപ്പെടുത്തിയിരുന്നു. തുടർന്ന് കഴിഞ്ഞ ദിവസം ആളൊഴിഞ്ഞ സ്ഥലത്ത് ഓട്ടോ കിടക്കുന്നത് കണ്ടു സംശയം തോന്നിയ നാട്ടുകാർ വിവരം പോലീസിൽ അറിയിക്കുകയായിരുന്നു. തുടർന്നാണ് പീഡന വിവരം പുറത്തറിയുന്നത്.
