തിരുവനന്തപുരം: തിരുവനന്തപുരം വര്ക്കലയില് 95 കാരിയെ മകൾ മര്ദ്ദിച്ചതായി പരാതി. ചെമ്മരുതി വടശ്ശേരിക്കോണം സ്വദേശിനി കൗസല്യ അമ്മയ്ക്കാണ് മര്ദ്ദനമേറ്റത്. നാല് മക്കളാണ് കൗസല്യ അമ്മയ്ക്കുള്ളത്. ഇതില് രണ്ടാമത്തെ മകള് സുമാദേവി ആണ് മര്ദ്ദിച്ചത്.
അമ്മയെ മകള് സുമാദേവി മര്ദ്ദിക്കുകയും കട്ടിലില് നിന്ന് വലിച്ച് താഴെയിടുകയും ചെയ്തു എന്നാണ് പരാതിയിൽ പറയുന്നത്. മകള്ക്കെതിരെ കര്ശന നടപടി വേണമെന്നാണ് ഉയരുന്ന ആവശ്യം. നേരത്തെയും ഇത്തരത്തിൽ മകൾ ഉപദ്രവിക്കാറുണ്ടെന്നാണ് പരാതിയിൽ പറയുന്നത്.
