തിരുവനന്തപുരം: എംഎല്എ രാഹുല് മാങ്കൂട്ടത്തിലിനെതിരായ കഴിഞ്ഞ ദിവസം എംഎ ഷഹനാസ് നടത്തിയ ആരോപണങ്ങള് അടിസ്ഥാന രഹിതമെന്ന് രാഹുലിന്റെ അഭിഭാഷകന് ശേഖര് ജി തമ്പി അറിയിച്ചു. എംഎ ഷഹനാസിനെതിരെ രാഹുല് മാങ്കൂട്ടത്തില് ഡിജിപിക്ക് പരാതി സമര്പ്പിച്ചിട്ടുണ്ട്. ഷഹനാസിനെതിരെ കേസെടുക്കണമെന്നും ഗൂഢാലോചന നടന്നോയെന്ന് അന്വേഷിക്കണമെന്നും രാഹുല് പരാതിയില് പറയുന്നു. മാനനഷ്ടത്തിന് കോടതി മുഖേന നിയമനടപടികള് ഉണ്ടാകുമെന്നും ഇന്ന് വക്കീല് നോട്ടീസ് അയക്കുമെന്നും അഭിഭാഷകന് വ്യക്തമാക്കി. ഷഹനാസുമായി ബന്ധപ്പെട്ട ഡിജിറ്റല് തെളിവുകള് കണ്ടുകെട്ടണം, കൂടുതല് അപകീര്ത്തികരമായ പരാമര്ശങ്ങള് വരുന്നത് തടയണം എന്നിവയാണ് രാഹുല് മാങ്കൂട്ടത്തിലിന്റെ പരാതിയിലെ മറ്റ് ആവശ്യങ്ങള്.
