വാഷിംഗ്ടണ്: മുന് അമേരിക്കന് പ്രസിഡന്റ് ബരാക്ക് ഒബാമയ്ക്കും ഭാര്യ മിഷേല് ഒബാമയ്ക്കും നേരെ വംശീയ അധിക്ഷേപവുമായി ഡോണള്ഡ് ട്രംപ്. ഇരുവരെയും കുരങ്ങന്മാരാക്കി ചിത്രീകരിച്ചുകൊണ്ടുള്ള വീഡിയോ സാമൂഹ്യമാധ്യമമായ ട്രൂത്ത് സോഷ്യലില് ട്രംപ് പങ്കുവെച്ചു. വലിയ വിമര്ശനമാണ് ഈ വിഷയത്തില് ട്രംപിനെതിരെ ഉയരുന്നത്. ഒരു മിനുട്ട് ദൈര്ഘ്യമുള്ള വീഡിയോയുടെ അവസാന ഭാഗങ്ങളിലാണ് അധിക്ഷേപം ഉള്ളത്. 2020ലെ തെരഞ്ഞെടുപ്പില് തന്നെ പരാജയപ്പെടുത്താന് ബാലറ്റ് എണ്ണുന്ന കമ്പനിയായ ഡോമിനിയന് വോട്ടിങ് സിസ്റ്റം ശ്രമിച്ചുവെന്ന ആരോപണമുള്ളതാണ് വീഡിയോ.
