കഴക്കൂട്ടം: മുരുക്കുംപുഴയിൽ പുതുതായി നിർമ്മിച്ച വെയിലൂർ മുസ്ലിം ജമാഅത്ത് പള്ളി നാളെ (തിങ്കൾ) വിശ്വാസികൾക്കായി തുറന്നുനൽകും. വൈകിട്ട് 4 മണിക്ക് നടക്കുന്ന ചടങ്ങിൽ അബ്ദുൽ സമദ് സമദാനി എം.പി ഉദ്ഘാടനം നിർവ്വഹിക്കും. പ്രദേശത്തെ വിശ്വാസികളുടെ ദീർഘകാലത്തെ കാത്തിരിപ്പിന് വിരാമമിട്ടുകൊണ്ടാണ് ആധുനിക സൗകര്യങ്ങളോടു കൂടിയ പുതിയ മസ്ജിദ് പ്രവർത്തനസജ്ജമായിരിക്കുന്നത്. ചടങ്ങിൽ എ.കെ. ഷാനവാസ് അദ്ധ്യക്ഷത വഹിക്കും. പ്രമുഖ മതപണ്ഡിതരായ കടയ്ക്കൽ അബ്ദുൽ അസീസ് മൗലവി, അൽ ഹാഫീസ് ഫൈസൽ അസ്ഹരി, അബൂറബീഅ് സ്വദഖത്തുള്ള ബാഖവി, അൽ ഹാഫീസ് ജലീലുൽ റഹ്മാൻ, അബ്ദുൽ റഹിം ബാഖവി, മുത്തുകോയ തങ്ങൾ ബാഫഖി എന്നിവർ വിവിധ കർമ്മങ്ങൾക്ക് നേതൃത്വം നൽകും. നാടിന്റെ സാംസ്കാരിക-സാമൂഹിക മേഖലകളിലെ പ്രമുഖരായ ഹസ്സൻ സ്വാലിഹ്, എ.ആർ. നിസ്സാം, ഷിബു അബൂബക്കർ, ഷാജിഖാൻ തുടങ്ങിയവർ ചടങ്ങിൽ സംബന്ധിക്കും. ഉദ്ഘാടനത്തോടനുബന്ധിച്ച് പ്രത്യേക പ്രാർത്ഥനാ ചടങ്ങുകളും നടക്കും
