അബുദാബി: പൗരന്മാർക്ക് മൂന്ന് രാജ്യങ്ങളിലേക്ക് യാത്ര വിലക്ക് ഏർപ്പെടുത്തി യുഎഇ. പശ്ചിമേഷ്യൻ യുദ്ധഭീതിയെ തുടർന്നാണ് നടപടി. ഇറാന് ,ഇറാഖ് ,ലബനന് എന്നിവിടങ്ങളിലേക്കാണ് യാത്ര വിലക്ക് ഏര്പ്പെടുത്തിയിരിക്കുന്നത്. നിലവിൽ ഈ രാജ്യങ്ങളിലുള്ള എല്ലാ യുഎഇ പൗരന്മാരും അടിയന്തരമായി അവിടെനിന്നും പുറപ്പെടണമെന്നും എത്രയും വേഗം യുഎഇയിലേക്ക് മടങ്ങണമെന്നും മന്ത്രാലയം ആവശ്യപ്പെട്ടു.
വിദേശത്തുള്ള തങ്ങളുടെ പൗരന്മാരുടെ ക്ഷേമം നിരീക്ഷിക്കുന്നതിനും അവരുടെ സുരക്ഷ ഉറപ്പാക്കുന്നതിനുമാണ് യാത്ര വിലക്കെന്ന് യുഎഇ അറിയിച്ചു. ഈ മൂന്ന് രാജ്യങ്ങളില് കുടുങ്ങിയവര് എത്രയും പെട്ടെന്ന് +971 800 44444 നമ്പരില് ബന്ധപ്പെടണമെന്നാണ് നിര്ദേശിച്ചിരിക്കുന്നത്.
