കണ്ണൂർ : മന്ത്രി സജി ചെറിയാൻ രാജിവെക്കേണ്ടതില്ലെന്ന സിപിഎം സെക്രട്ടറിയേറ്റിന്റെ തീരുമാനത്തെ വിമർശിച്ച് ബിജെപി സംസ്ഥാന അധ്യക്ഷൻ കെ. സുരേന്ദ്രൻ രംഗത്ത്. നാക്ക് പിഴവാണെന്നു പറഞഞൻ നിസ്സാരവത്കരിക്കാനാവില്ലെന്നാണ് കെ സുരേന്ദ്രന്റെ വാദം. സിപിഎം സെക്രെട്ടറിയേറ്റിന്റെ തീരുമാനം ഭരണഘടനയോടും ഭരണഘടനാ ശില്പിയോടും ഉള്ള അവഹേളനമാണെന്നാണ് കെ സുരേന്ദ്രന്റെ പക്ഷം.
സജി ചെറിയാനെ സംരക്ഷിക്കുന്നത് മുഖ്യമന്ത്രിയാണെന്ന് സെക്രട്ടറിയേറ്റ് തീരുമാനത്തിൽ നിന്നും വ്യക്തമായെന്നും സുരേന്ദ്രൻ പറഞ്ഞു. രാജ്യത്തിനേറ്റ ഐക്യത്തിനും അഖണ്ഡതയ്ക്കും എതിരാണ് സിപിഎം നിലപാടെന്നും അത് ബിജെപിക്ക് അംഗീകരിക്കാനാവില്ലെന്നും സുരേന്ദ്രൻ മാധ്യമങ്ങളോട് പറഞ്ഞു. സജി ചെറിയന്റേത് നാക്ക് പിഴ അല്ലെന്നും പ്രസംഗത്തിൽ നിരവധി തവണ ഭരണഘടനയെ അവഹേളിക്കുന്നുണ്ടെന്നും കെ സുരേന്ദ്രൻ കൂട്ടിച്ചേർത്തു.
