കോട്ടയം : കൂട്ടിക്കൽ ദുരന്തം നടന്നിട്ട് ഒരു വർഷം തികയാറാകുമ്പോഴും നഷ്ടപരിഹാര തുക നൽകാതെ സർക്കാർ. അപകടത്തിൽ വീട് നഷ്ടപ്പെട്ടവർക്ക് നൽകാമെന്ന് പറഞ്ഞിരുന്ന പത്ത് ലക്ഷം രൂപ ഇനിയും നൽകിയിട്ടില്ല എന്നാണു റിപോർട്ടുകൾ. 2021 ഒക്ടോബർ 16 നാണു കൂട്ടികൾ പ്രദേശത്തെ പ്രകൃതി വിഴുങ്ങിയത്.
വലിയ മണ്ണൊലിച്ചിലിലും ഉരുൾപൊട്ടലിലുമൊക്കെയായി നിരവധി ആളുകൾക്കാണ് വീടും സ്വന്തമെന്നു കരുതിയ പലതും നഷ്ടമായത്. ഇപ്പോഴും വലിയൊരു വിഭാഗം വാടകക്കാണ് കഴിഞ്ഞു പോരുന്നത്. പുതിയ സ്ഥലം കണ്ടെത്തിയാൽ 6 ലക്ഷം രൂപ സ്ഥലയുടമയുടെ അക്കൗണ്ടിലേക്ക് ഉടൻ കൈമാറുമെന്നൊക്കെയായിരുന്നു സർക്കാർ നൽകിയിരുന്ന വാക്ക്. എന്നാൽ അവയൊക്കെത്തന്നെയും വാഗ്ദാനങ്ങളായി മാത്രം ശേഷിക്കുകയാണിപ്പോൾ.
